Boksvano Dêrsimij Umut Camkiran, o ke ringê profesyonelî de heta nika qet vîndî nêkerdo, musebaqaya şampîyonîya Asyaya WBCyî ke Îstanbul de virazîya de vera Taryel Jafarovî bi ser kewt û bi şampîyon.
Camkiran, o ke mîyanê namdaranê boksvanan de ca gêno, musebaqaya xo ya 22ine de zî ser kewt û bi no qayde serkewtişêko pîl dest fîna.
Musabaqaya Asyaya WBCyî ke 21ê Sibata 2025î de Kompleksê Sporî yê Mustafa Oncelî yê Sarîgazîya Sancaktepe yê Îstanbulî de virazîya, Camkiranî bi nokavtkerdişê Taryel Jafarovî averşîyayîşê xo domna
Bi nokavtkerdişê reqîbê xo kemer dest vist
Umut Camkiran o ke ring de performansêko rind nîşan da, bi kulm û nujinganê xo yê bihêzan Taryel Jafarov da waro.
No serkewtiş, îdîaya Camkiranî ya seba şampîyonî girane ya dinya xurt kere û o eleqeyê şîrovekaranê boksî yê mîyanneteweyî ant.
Şîrovekarê sporî ûboksî vanê ke, Umut Camkiran bi nê performansê xo do ameyox de bibo şampîyonê dinya zî.
Boksvano Dêrsimij Umut Camkiran, o ke ringê profesyonelî de heta nika qet vîndî nêkerdo, şampîyonîya Asyaya WBCyî de ser kewt û bi şampîyon. pic.twitter.com/iWHnYwnnY0
— Zazakî News (@zazaki_news) February 22, 2025
