ZAZAKÎ NEWS - Portekîz Lîga Neteweyan a UEFA de vera Îspanya ser kewt û bi şampîyonê 2025î.
Kay (maç), şewa vîyarte Allianz Arenaya Munîhî de ame kaykerdene.
Wextê normalî û dergkerdişî yê kayî 2-2 qedîya, la Portekîz bi penaltîyan 5-3 ser kewt û bi şampîyon.
Martin Zubimendî deqîqeya 21î de Îspanya 1-0 berd aver, la Nuno Mendesî yê Portekîzî ey ra 5 deqîqe dima gola seypeyîye eşte.
Mikel Oyarzabalî deqîqeya 45î de nameyê Îspanya ser gola 2ine eşte û nîmeyê yewinî yê maçî 2-1 qedîya.
Cristiano Ronaldoyî deqîqeya 61î de newe ra nameyê Portekîzî ser gola beraberîye eşte, la deqîqeya 88î de xo eşt erd û Goncalo Ramos kewt cayê ey.
Maç ame dergkerdene, la her di dewreyanê dergkerdişî de zî skorê 2-2î nêvurîya û dest bi eştişê penaltîyan ame kerdene.
Alvaro Moratayo ke formayê Galatasarayî xo ra dano, seba penaltîya 4ine ya Îspanya şî topî serr, la qelecîyê Portekîzî destur nêda ke o toran bilerzno û Portekîz netîceyê penaltîyan de 5-3 ser kewt û bi şampîyon.
Portekîz tarîxê xo de reya diyîne resayo şampîyonîya Lîga Neteweyan a UEFA.
