ÇEWLÎG - Çewlîg de vizêr varayîşê vewre ke tesîrê xo zêde kerd ra rayîran de astengî bîyî. Qezayî bîyî û zaf TIRî rayîr de mendî.
Qezaya Kanîreşî ya Çewlîgî de varayîşê vewre ke tesîrê xo kerd zêde ra tayê TIRî rayîr de mendî.
Saetanê nêmrojî de varayîşê vewre ke dest pêkerd û hîna zî tesîrê xo dewam keno, rayîrê Çewlîg-Kanîreşî de, dorûverê Dewa Hacîyan de zafê TIRî rayîr de mendî.
Kesê ke rayîr de mendî, ekîpê beledîye ardim da ci. Ekîpê Rayîran na xete de xebata akerdişê rayîrî rê dewam kenê.
Qeza de 3 kesî birîndar bîyî
Heto bîn ra, rayîrê Çewlîg-Xarpêtî ser o, hetê Çirra Yado de, varayîşê vewre ra qezaya trafîkî bîye û 3 kesî birîndar bîyî.
Yew erebe û yew TIR ke têhet kuwayî, dimayê hedîse ra ekîpê weşîye şîyî cayê qeza. Birîndarî bi ambulansan neqlê nêweşxaneyanê dewlete yê Çewlîgî bîyî.
