Goreyê cigêrayîşê Merkezê Cigêrayîşê Meydanî yê Sosyo Polîtîkî se ra 86ê şarê Bakurê Kurdistanî perwerdeyê bi ziwanê Kurdkî wazeno.
Merkezê Cigêrayîşê Meydanî yê Sosyo Polîtîkî derheqê weştişê ziwanê Kurdkî û nasnameyî de decigêrayîşêk kerd.
Cigêrayîş, 15 bajaranê Bakurê Kurdistanî de 2 hezar 443 kesan ser o ame kerdiş.
Amed, Mêrdîn, Riha, Wan, Êlih, Sêrt, Şirnex, Colemêrg, Agirî, Mûş, Çewlig, Bedlîs, Qers, Dêrsim û Îdir.
Goreyê cigêayîşî xerîteya etnîkî ya nê her 15 bajaran wina yo:
Sera 85,2 Kurd, se ra 9 Tirk, se ra 4,3 Ereb, se ra 0,2 Ermenî û se ra 0,2 zî Suryanî yê.
Xebitnayîşê ziwanî zî wîna yo:
Se ra 60,8 KurdKî, se ra 26,2 Tirkî, se ra 9 KurdKî-Tirkî, se ra 0,9 Azerî û ê bînî zî mîyanê keyeyanê xo de Suryankî û Ermenkî qisey kenê.
Cigêrayîş de vejîya werte ke, se ra 86,7ê şarê Bakurê Kurdistanî semedê gedeyanê xo perwerdeyê bi ziwanê dayike wazeno.
