Mintiqaya Çolîgî hetê erd-dar û teyr û turan ra mintiqayêka dewlemend a. Nê rojanê peyênan de Çolîg de leglegê sîyayî ameybî vînayîş.
Nika zî kesexurê qijkekî Çolîg de hewa verîne ameyî vînayîş.
Resimê kesexuranê qijan hetê mamosta û fotografkêş Saim Uçarî ra ameyî antiş. Wexto ke kesexurî ameyî vînayîş cayêko dalde de goşt verdêne.
fotografkêş Saim Uçarî va; "Mi resimê înan cayo yewone de antî. Hewa verîne ez rastê nê kesexuran yena. Nê tewirê înan verî tîya de çin bî."
Kanîreş de leglegê sîyayî
Heto bîn ra çend rojî verê cû qezaya Çolîgî Kanîreş, dewa Halifan de kişta Çirrê Yekmale de pê dronan Leglegê Sîyayî ameybî antiş. Leglegê Sîyayî hetê Fotografkêş û Mamosta Saim Çakarî ra pê dronana ameyî antiş.
Selîm Çakar o ke raştê Legleganê Sîyayan amebi va ke, "Ez hewa verîne Çolîg de raştê nê leglegan yena. Nê Leglegê Sîyayî verê cû tîya de çîn çî. Leglegê bînî cayo ke tede însanî estî de çalanê xo virazenê û nêzdîyê însanan de ca danê xo. La nê Leglegê Sîyayî dûrê însanan de mîyanê zinaran û şikeftan de xo rê çalan viarzenê û leyîranê xo kenê weyî."
