Seba Weçînayîşê Mehelî yê 31ê Adara mabênê DEM Partî, EMEP, SMF, EOC, TÎP û Partîzan de îtîfaq ame ronayîş.
Derheqê aşkerekerdişê îtîfaqî ewro Dêrsim de kombîyayîşêk ame kerdiş.
Partîya Demokrasî û Seypeyî ya Şaran (DEM Partî), Partîya Kede (EMEP), Partîya Karkeran a Tirkîya (TİP), Federasyonê Meclîsanê Sosyalîstan (SMF), Cepheyê Azadîye û Kede (EOC) û Partîzan eşkera kerd ke înan semedê weçînayîşê mehelî yê 31ê Adara 2024î îtîfaq kerdo.
Hetkarê Hemserekanê Pêroyîyan ê Berpirsîyarê Îdareyanê Herêmîyan ê DEM Partî Mehmet Ruştu Tiryaki, parlamenterê EMEPî Îskender Bayhan, Temsîlkarê SMFyî Erdal Ataş, temsîlkarê EOCyî Gokmen Yeşil û temsîlkara Partîzanî Leyla Elma û xeylê kesî beşdarê kombîyayîşî bîyî.
Eşkerayîya hempare de vajîya Dêrsim de îtîfaqêko hîra ameyo ronayîş û ê weçînayîşî rê hadre yê