Goreyo ke ame zanayîş, rojnameger Nazim Daştan û Cîhan Bîlgîn Rojavayê Kurdistanî de xebate kerdêne, vizêr saet 15.20î serê rayîrê mabênê Awbenda Tişrîn û şaristanêkê Sirrinî de kişîyayê. Her di rojnamegerî, netîceyê hêrişanê SÎHA’yî yê Tirkîya de ameyê kiştiş.
Komeleya Rojnamegeranê Dicle-Firatî hesabê xo yê Xî ra derheqê mesela de yew beyanat da û wîna va:
Ameyo zanayîş ke rojnamegerî Nazim Daştan û Cîhan Bîlgîn Rojavayî (Vakur û Rojhelatê Sûrîye) de bi êrişê SÎHAyî ra ameyê kiştişî.
Kedkarê Çapemenîya Azade Nazim Daştan û Cîhan Bîlgîn ke pêkewtişê Vakur û Rojhelatê Sûrîye taqîb kerdêne, vizêr saete 15:20 de rayîrê mabênê Bendava Tişrînî û qezaya Sîrînî de ameyê hedefgirewtişî. Di rojnamegerî êrişê SÎHAyî yê Tirkîya de ameyê kiştişî. Şoforê erebeyî Ezîz Hec Bozan zî birîndar bi.
Ma no êrişo ke embazanê ma ser o bîyo protesto kenê û qebul nêkenê. Her warî de ma do hesabê nê qetlîamî bipersî.
Nazim û Cîhan di rojnamegerê erjayeyî bî ke raştîya şerê ke Vakur û Rojhelatê Sûrîye de dewam keno berdêne şarî.
