Dêrsim de vizêr polîsan eştbi xeylê keyeyan ser û şeş kesî tepiştbî.
Vizêr sibayî Dêrsim de polîsan eşt xeylê cayan ser. Îdarekarê Komeleya Munzurî Alî Yildiz û Ozkan Arslan, Serekê Yewîya Hingdaran o verên Kazim Tosun, muxabîrê Yeni Demokrasi Erhan Çita, Yapreke Kurban û Arzuye Ozdemîr zî mîyan de 6 kesî ameyî girewtiş.
Ame zanayîş ke înan ra îdarekarê Komeleya Xozaya Munzurî Alî Yildiz wextê destbendkerdişî de nêweş kewt. Yildiz dima vejîya mehekeme vera û 'bi îdîaya endam û propagandaya rêxistine' ra ame tewqîfkerdiş û erzîya hepisxane.
Heto bîn ra goreyê beyanatê Wezîrîya Karanê Zereyî ya Tirkîya, mîyanê hîrê rojan de pêroyîya Tirkîya de 113 tenî ameyî derdestkerdiş.
