Dîyarbekir de 3 rojîyo ke tay semtan de awa şimitişî pêsaya û naye ra qismêkê şarî mexdûr bîyo.
Mudirîya Pêroyî ya DÎSKÎ roja verêne aşkere kerdbi ke awe do mîyanê rojêk de bêra veradayîş. Labelê roja hîrêyîne de probleme awe nêame safîkerdiş.
Semedo ke keyeyan de awe pêsabî şarî verê xo da marketan û zaf marketan de awe nêmende.
Ewro DÎSKÎ aşkere kerd ke problemê awe ameyo safîkerdiş û awe ameya veradayîş.
Mudirîya Pêroyî ya DÎSKÎ dîyar kerd ke vindertişê awa bajarî seba xirabîya ke xetê resnayîşî de vejîyaya bîyo û va ke heme ekîbî seferber bîyî û do dest bi dayîşê awe bibo.
DÎSKÎ xeber da ke Tesisat û Safîkerdişê Awa Şimitişî de xirabîyêka girde vejîyaya û seba tamîrkerdişê aye xebatêko zaf ameyo kerdene.