DÎYARBEKIR - Dîyarbekir de ronişteyê doza Narîn Gurana 8 serreyî ya diyîne do ewro bêro dîyayîş û pawîyeno ke dadgeh qerarêk bido.
Dadgeha 8. ya Cezaya Girane ya Dîyarbekirî de ewro saete 09:00 de ronişteyê dîyine ya doza Narîn Guranî dest pêkena û Baroya Dîyarbekirî bi 16 avukatan beşdarê doze bena.
Goreyê îdîanameya ke hetê Serdozgerîya Komare ya Dîyarbekirî ra ameya amadekerdiş, gumandarê girewteyî apê Narîne Salîm, maya ci Yuksel, birayê ci Enes û cîranê înan Nevzat Bahtîyar bi "kiştişê tutan bi hemkarîye" yenê sucdarkerdiş û seba înan cezayê heta hetayî yeno waştişî.
Ronişteyê verêne ya doza kiştişê Narîn Gurane 7ê Teşrîna Peyêne ya emser dest pêkerdbî û 3 rojî dewam kerdbî.
Dadgehe a ronişte de qerarê dewamê tepiştişê gumandaran dabî.
Se Bibî?
Narîn Gurana 8 serreyî, 21ê Tebaxe 2024î de dewê Çiluyî ya qezaya Rezanî ya Dîyarbekirî de "vîndî" bîbî û 8ê Êlule de cenazeyê aye çemo ke dewa ra nêzdî bi de amebi vînayîş.
Ê wextî ra nat Serdozgerîya Komare ya Dîyarbekirî derheqê hedîse de yew tehqîqat dabî destpêkerdiş.
Goreyê raporê tiba dadî, Narîn Guran ameya xeniqnayîş.
