Dîyarbekir de, Nêweşxaneyê Dewlete yê Selaheddîn Eyûbî de Abdullah Alagunduz o ke endamê Sendîkaya Karkeranê Weşîye (SES) bi, binaya sendîka de xo kişt.
Dîyarbekir de, Abdullah Alagunduz o ke Nêweşxaneyê Dewlete yê Selaheddîn Eyûbî de sey nûnerê karî yê Sendîkaya Karkeranê Weşîye û Xizmetanê Komelkî (SES) xebitîyayêne, binaya sendîka de cuya xo peynî kerd. Ame zanayîş ke Alagunduzî bînaya sendîka de xo kişto.
Şaxê SESî yê Dîyarbekirî, derheqê na hedîseya de beyanatêko nuştekî weşana, xemgînîya xo îfade kerd û seba na hedîse hirê rojî şîn îlan kerd. Beyanat de ame vatiş ke hemê xebatê sendîka ameyê taloqkerdiş û serweşîye seba keyeyê Abdullah Alagunduzî û keyeyê SESî ameye wastiş.
Şaxê SESî yê Dîyarbekirî nê malumatî zî derheqê şînî de par kerdî: "Ma dejê întîxarê temsîlkarê xo yê karî yê Nêweşxaneyê Dewlete yê Selaheddîn Eyûbî Abdullah Alagunduzî bi hawayêko zaf xorîn cuyenê. Ma xemgîn ê û şîn de yê. Ma hemê xebatê xo seba ke ma hirê rojî şînê xo bigêrî taloq kerdî. Ma seba keyeyê ey û keyeyê SESî serweşîye wazênê. Cayê şînî: Keyeyê şînî yê Temîran ê Pasûrî (Toptancilar)"
