Qezaya Yuregirê ya Edena de yew keye de 3 kesî kişte ameyî dîyayîş.
Taxeya Yenidoganî ya qezaya Yuregirê de, ewro karkerê şîrketa înternetî şîyî keyeyê Yusuf Tehçiyê 63 serrî labelê wayîrê keyeyî şîrketa înternetî ra berê keyeyî anêkerd.
Karkerê şîrketa înternetî wexto ke dormareyê binaya di qatî de fetelîyayî, erdî ser o dilope dilope gonî dîyê û înan ekîbê weşîye xeberdar kerdî.
Ser o xeberdayîşî ekîbê weşîye û polîsî şîyî cayê bîyayîşî.
Polîsan ber akerd û bi ekîbê weşîye kewtî zere û dî ke Yusuf Tehçî, cinîya ey Husne Tehçîya 61 serrî û waya ey Semiha Tehçîya 53 serrî bi kardî ameyê kiştiş.
Ekîbê weşîye badê tetkîkê cayê bîyayîşî cenazeyê her hîrê kesan berdî morga Dezgeya Tibbê Edlî ya Edena.
Derheqê bîyayîşî de tehqîqat dest pêkerd.