Şaristanê Aydınî de Eskero Kurd B.S. o ke yew şayîyêka leşkerî de deyîra kurdî vatbi û govende kay kerdbi erzîya hepisxane.
Eskero ke medya dijîtale sr ra hedef ame mojnayîş ame tewqîfkerdiş. B.S. yo ke Aydın de eskerî kerdêne, qişla de ame tepiştiş. B.S. vejîya vera mehkema û bi îdiaya “propagandaya sîyasî kerdo” ame tewqîfkerdiş û erzîya hepisxane.
Ame zanayîş ke B.S. semedo ke şayîyêka semedê leşkerî qezaya Arnavûtkoy de deyîrêka kurdî vato û govende kay kerdo ameyo tepiştiş.
Nê rojanê peyînan de semedo ke govend kay kerdê û deyîrê kurdî vatê xeylê kesî ameyî tepiştiş û erzîyayê hepisxaneyan.
Heta nika Sêrt, Mersin, Agirî, Colemêrg û Îstanbul de desan kesê ke govende kay kerdê ameyî tepiştiş û înan ra 18 kesî erzîyayê hepisxaneyan.
