Festîvala Kultur û Xoza ya Depe 10-11ê tebaxe de, bi şîarê ''Xespê îradeyî yo ewroyîn, talanê xoza yo vizêrîn o'' do bêra viraştiş.
Qezaya Depe (Karakoçan) mabênê Dêrsîm, Xarpêt û Çewlîgî de ca gêna û hetê tebîat, zafziwanî û bawerîye ra zaf dewlemend a.
Festîvale de Hemşaredarê Depe Songule Duzgun û Cafer Ogur, Hemserekê DBPyî Keskîn Bayindir û sîyasetmedare Gultane Kişanake do qisey bikerê.
Çarçewa festîvale de panelê serê Jineolojî û qirkerdişê kulturelî û konserî do bêrê dayîş.
Festîvale de hunermendî Mîkaîl Aslan, Sipan Xelat, Sevîn, Baran Bozyel û komê muzîkî Babetna, Koma Hevra, Jinê Kayy-Derî do vejîyê serê sehne.
Hunermend Mikaîl Aslanî derheqê muhîmîya festîvale de hesabê xo yê Xî ser ra yew parekerdiş kerd û wîna va;
Festîvalê Dep (Karakoçan)
10ê amnanê peyênî de Dep (Karakoçan) de festîval est o. Ez seba nê festîvalî zaf şa bena. Dep mîyanê Çolîg, Dêrsim, Amed û Xarpêt der o. Tamarê ma zaza, kurmanc û Dêrsimî îta de resenê pê, coka no festîval zaf muhîm û taybetî yo. Çar sûkan ra şarê ma yêno Dep de reseno jûbînî. Na roce jûbîn ra helalîye wazenîme, lawikû, deyîrû û kilamanê xo pîya vanîmê, kunîme govende.
Zê perranê tawuze rûyê xo danîmê tija rocî, pê nexş û rengano xo şa benîme.
Kerem kerê, şima kî bêrê.
