Şaredarîya Batmanî Fuarê Kitaban ê Kurdkî tertîp kena.
Fuar do 4 rojî dewam biko.
Şaredarîya Batmanî pê hemkarîya Yewîya Weşangeranê Kurdan (YEWKURD), Şaxê Batmanî yê Egitim Senî û Komela Cigêrayîşanê Ziwanî û Kulturî ya Arî (ARI-DER) do mabênê 16 û 20ê Teşrîna Verêne de fuarê kitaban akero.
YEWKURDî hesabê xo yê Xî ra aşkere kerd ke, ê heme weşanxaneyan Kurdkî dawet3e fuarî kenê.
YEWKURDî veng da wendoxan ke wa weşanxaneyan tena nêverdê.
Hemserekê Şaredarîya Batmanî Gulistan Sonuk û Yeşîl Işik zî derheqê fuarê kitaban de beyanatêko nuştekî day.
Beyanat de wina ame vatiş:
"No fuar seba ciwiyayîş, naskerdiş û raverdişê kultur û ziwanê Kurdkî gamêka muhîme ya ke ameya eştiş.
Yewbiyayîşê weşanxaneyanê Kurdan û ameyîşê înan yewbînan het, nîşandayîşê kitabanê Kurdkîyan seba şarê ma zaf qîmetin o.
Ziwan û kultura ma pê program û xebatunê nê tewiran do bibo xurtêr.
Seba ke ma do Batmanî de mêmandariya nê fuarî bikerî ma zaf keyfweş ê. Ma heme şarê xo dawet kenî."
