Ahmet Kaya bi xo Meletî ra bi û cinîya ey Gulten Kaya bî. Gulten Kaya tena wexto ke Ahmet Kaya cuyayêne ney, merdişê ey ra dima zî tim wayîrê hunerê ey vejîyaya û a bi xo zî sey kesa Demokrat û kesa ke wayîrê kultur û hunerê vejîyena yena zanayene.
Gulten Kaya bi xo zî Dêrsimij a û Kirmanc-Zaza ya û eşkena ziwanê xo de zî qisey bikera.
Gulten Kaya kam a?
Waya şair Yusuf Hayaloğlu, cînîya deyîrbaz Ahmet Kaya û eynî wext de xeylê vateyê deyîranê weşan nuşt. Ahmet Kaya ra yew keynaya aye esta, nameyê xo Melisa Kaya ya.
Ovacikê Dêrsimî de ameya dinya. Mektebo verên û lîse Elezîz de wenda. Key lîse qedêna, İstanbul de pîyê birayê xo yê pîlî Yusuf Hayaloğlu ya dest bi cuye kerd. Wextê 12ê Êlule de mîyanê xebatanê sîyasîyan de ca gurêt. Serra 1981 de roja ke kewt îmtîhanê unîversîte tepişîya. Nêşa şora Fakulteya Zanistanê Sîyasîyan a Anqara.
Heta serra 1985î Hepisxaneyê Eskerî yê Metrîsî de mend.
Serra 1985 de badê hepisxane ra vejîya Ahmet Kaya nas kerd, zewicîya. Nê zewacî ra yew keyna înan esta ke nameyê aye Melis a.
Gülten û Ahmet qerar danê ke yew studyo û şîrketê viraştişî akerê. Nameyê GAK (Gülten Ahmet Kaya) ya yew şîrketê muzîkî û eyni name ya yew studyo nayê ro.
Gulten Kaya Hayaloğlu, cînîya Ahmet Kaya û waya Yusuf Hayaloğlu, deyîra "Ağlakça" ke Kaya pîya Ara Dinkçiyan ya viraşta û albuma "Deyîrê Mi Koyan" de ca gureta, û deyîra "Ağlakça" ke albuma "Yıldızlar ve Yakamoz" (1996) ra ya, deyîranê "Turuncu Gemi", "Ay Gidiyor" ke albumê "Dosta Duşmen ra" ra yê û "Al Angermi" ke albumê "Hoşçakalın Gözüm" (2001) ra ya, nuşta.