Roşanê Remezanî de çar rojanê verênan ê betlaneyî de (şeme, yewşeme, dişeme û sêşeme) 34 kesî merdî, 4 hezar û 784 kesî birîndar bîyî.
Wezîrê Karê Zereyî yê Tirkîya Alî Yerlikayayî derheqê bilançoya qezayanê trafîkî de beyanatêk da û va:
- Betlaneyê Roşanê Remezanî de roja çarine de (sêşeme) 647 qezayê trafîkî ameyî meydan. Çi heyf ke hewt welatîyê ma merdî, 1165 welatîyê ma zî birîndar bîyî.
- Çar rojanê verênan ê roşanî de çi heyf ke 34 welatîyê ma merdî. 4 hezar û 784 welatîyê ma zî birîndar bîyî.
Wezîrê Karê Zereyî no malumat zî da: "Çar rojan de 495 hezar û 753 erebeyî kontrol bîyî. 21 hezar û 178 erebeyî leze û radar ra, 51 hezar û 120 erebeyî zî karê bînan ra ameyî kontrolkerdiş."
