ZAZAKÎ NEWS - Zibil û çopê ke tenekan de ameybî cakerdiş û yew keyeyî de ameybî cakerdiş, amey tespîtkerdiş û arêdayîş.
Şîkayetê hemwelatîyan ser Yewîneyê Karê Pakkerdişî ya Peyasî şî keye. Ekîban dî ke odayanê keyeyî de zibil û çopî ke tenekan de ameybî arêdayene û bica bîyê.
Bûya çopî derdor û şaristan de vila bibî
Seba ke bûya çopî zaf ameyne, hemwelatîyê mehla êdî nêeşkayêne tehemul bikerê û xeta telefonî ya 153î rê gerre kerdî. Ekîbê Şaredarîya Peyasî şîyî bînaya Taxa Talaytepeyî ya qezaya Peyasî ya ke ameybî şîkayetkerdiş û rastê keyeyêkê çopî ameyî.
Keyeyê yew cinîya extîyare ya 65 serrî ke tena sereye xo ciwîyayêne, heme odayanê xo bi zibil û çop dekerdbî. Wayîra keyeyî cinîya extîyare seba kontrolê weşîye neqlê nêweşxane bî. Ekîban dima ra keyeyo leşin pak kerd, şuşt û dezenfekte kerd.
