6 rojê peyênan de xomojnayîşê vera girewtişê Serekê Şaredarîya Bajarê Girdî ya Stenbolî Ekrem Îmamoğluyî de hewtê înan rojnamegerî 172 kesî erzîyayê hepisxaneyan
Heto bîn ra ewro serê sibayî Stenbol û Bursa polîsan eşt keyeyan ser, xeylê kesê ke endamê Eğitim Senî zî tede estbî ameyî tepiştiş.
Eşkera bîyo ke akademîsyen Levent Dolek ke paştî da boykotê ke hetê wendekaranê unîversîteyan ra dest pêkerdîbî, zî ameyo tepiştiş.
Xeylê wext o ke protestoyê vera girewtişê Serekê Şaredarîya Bajarê Girdî ya Stenbolî Ekrem Îmamoğluyî dewam kenê, sere sibayî Stenbol û Bursa de zaf kesî ameyî tepiştiş ke mîyanê înan de zaf akademîsyenî zî estê.
Goreyê malumatê ke rojnameyê Evrenselî neqil kerdê, mîyanê kesê ke ameyê tepiştiş de akademîsyenê Unîversîteya Stenbolî Levent Dolek zî ca gêno.
Heta nika hetê dezgehanê resmîyan ra beyanatêko hîra derheqê operasyonan de nêameyo dayî.
172 kesî tewqîf bîyê
Heto bîn ra heta nika protestoyan de 1418 kesî ameybi tepiştiş, înan ra 172 kesî ameyî tewqîfkerdiş û erzîyayê hepisxaneyan
Rojnamegerê ke erzîyayê hepisxane
Bulent Kiliç - Ronamegerê resiman
Kurtuluş Ari- Rojnamegerê Resiman yê Şaredarîya Bajarê Girdî ya Stenbolî
Yasin Akgul - Rojnamegerê Resiman yê AFP (Agence France-Presse)
Ali Onur Tosun - Muxabîrê NOW TV
Zeynep Kuray - Rojnamegera Xosere
Hayri Tunç – Muxabîr
Gokhan Kam - Rojnamegerê Resiman yê Şaredarîya Bakirkoyî
