Çarrayanê Taxê İçmelerî yê Merkezê Çewlîgî de rîye çînebîyayîşê roşnkerdişî ra zaf qezayê trafîkî benê.
Çarrayîrî de şewa bîne yew qezaya trafîkî ya bîne bîye. Yew cîpe zî da direganê tabelayanê trafîkî ro.
Goreyê malumatan ke ameyê girewtene, şewa bîne saete 20.00 de dorê Çarrayê İçmelerî yê rayê Çewlîg-Amedî de qezayêk bî. Tede yew wasitaya sivik a bazirganî ke rayê serekî ra şîyêne û yew cîpa ke plakaya aye 21 bî û Mewkîyê İçmelerî ra vejîyêne, pêkewtî.
Ekîbê sihhetî ke ameyî cayê qeza, verê verkan 8 kesanê ke birîndar bîbî berdî Nexweşxaneyê Dewlete yê Çewlîgî. Ame zanayîş ke mîyanê birîndaran de rîskê merdene çin o.
Şarê a mintiqa vano ke, Mehleyanê ma û o çarrayîr de sîstemê roşnîkerdişî çin o. Tîya tim tarî yo û tim tîya de qezayê trafîkî benê. Çend qezayan de merdimî zî merdê. Ne beledîye zî dezgeyê bînî tîya dir eleqedar benê.
