Goreyê ENAGî enflasyonê mengane se ra 3,91 zêde biyo û enflasyonê serrane zî biyo se ra 75,20. Goreyê TUÎKî zî enflasyonê mengane se ra 2,46 o û enflasyonê serrane zî biyo se ra 38,10.
Dezgeha Îstatîstîkanê Tirkîya (TUIK) û Komê Cigêrayîşê Enflasyonî (ENAG) daneyê enflasyonî eşkera kerdî.
Goreyê TUÎKî, menga Adare de enflasyon se ra 2,46 o û yê serrane zî se ra 38,10 o.
Mîyanê grûbanê serekeyî de tewr zaf werd, keye û transportî berz bîyê.
Goreyê ENAGî sedî 75,20 o
Goreyê daneyanê ke Komê Cigêrayîşê Enflasyonî (ENAG) eşkera kerdo, rêjeya enflasyonê menga Adare se ra 3,91 o. Bı no qayde goreyê ENAGî enflasyonê serrane zî se ra 75,20 o.
Goreyê daneyanê Odaya Bazirganîye ya Îstanbulî (ITO) rêjeya enflasyonê menga Adare se ra 3,79 o. Enflasyonê serrane zî se ra 46,23 o.