ZAZAKÎ NEWS - Serekê Meclîsî Nûman Kurtulmuşî, bade pêvînayîşê bi DEM Partî reyde beyanatêk da û va: "Ma wazenê rojanê ameyeyan de wa Meclîs de komîsyon bêro ronayîş û xebateke baş bêro kerdiş."
Serekê Meclîsî Nûman Kurtulmuşî Hemserekanê Pêroyî yê DEM Partî Tulay Hatîmogûllarî û Tuncer Bakirhanî ziyaret kerd. Badê pêvînayîşî beyanatî ameyî dayîş. Tulay Hatîmogûllarî qiseykerdişê xo de va: "Proseso ke ma tira verene de wezîfeyêko pîl kewto serê milê parlamentoyî. Ma ewro nê meseleyan ser o qisey kerd.
Komîsyonêk do bêro ronayîş
Nûman Kurtulmuşî zî ard ziwan ke înan mesulîyetê parlamentoyî ser o minaqeşe kerd û wina va: "Vengdayîşê Îmralî qerarê çekronayîşî ra dima êdî parlamento eşkeno însîyatîfêk bigîro. Ma na bawerî de yê ke gere heme hetê sîyasî bi hawayêko viraştox, nê firsendê tarîxî ra feyde bigîrê. Semedo ke wa na xebate şîyêra sere û Tirkîye de yew demo newe dest pêbikero xebatê ma pêrûnan dewam kenê. Ez hêvî kena ke komîsyona ke do rojanê verê ma de meclîs de bêra ronayîş bi hawayêko baş bixebitîyo."
