ZAZAKÎ NEWS - Namzedê DEM Partî yê Serekîya Meclîsî Cengîz Çandar o. Ame zanayîş ke, DEM Partî do bi namzedê xo tewrê weçînayîşê Serekîya Meclîsî bibo.
Ame zanayîş ke namzedê DEM Partîyî Cengîz Çandar o. Ame parekerdiş ke nameyê Çandarî ewro saete 14:45 de bi waştişnamayêk pêşkêşê Sekreterîya Pêroyî ya Meclîsî bêro kerdiş.
Weçînayîşê meclîsî
Startê weçînayîşê Meclîsî 28ê Gulane de ame dayîş. 5 rojanê verênan ê prosesê weçînayîşî de do muracatî bêrê kerdiş. 5 rojanê peyênan de zî do weçînayîş bêro kerdiş. Serekê Meclîsî yê neweyî do 3ê Hezîrane de bi raydayîşê mîyankî bêro weçînayîş.
Zanîyeno ke namzedê AK Partî-MHPyî zî Nûman Kurtulmuş o.
