Hetê Odaya Sanayî û Bazirganî ya Dîyarbekirî (DTSO) ra Amed de semedê daşinasnayîşê werd û şimiteyanê mehelîyan şayîyêke amey tertîpkerdiş.
Şayî Mîyanî Sûrî de binê Bircê Kênayan, baxçeyê Hewselî de amey viraştiş.
Semedê mêmanan hetê Gastro İnovasyon Merkezi ra standî ameyî akerdiş û werd û şimiteyê mehelî mêmanan rê ameyî vilakerdiş.
Xeylê temsîlkarê sazîyanê sîvîlan, sîyasetmedarî û kesê bînî ameyî şayîye.
Hetkarê Serekê DTSOyî Erdal Avşarî verê şayîye qiseykerdişêk kerd û va, " Baxçeyê Hewselî ê bereketinî her tim nê bajarî wey kerdî. Semedo ke ma tebîetê hewselî û kulturê Hewselî bipawe ma na şayîye viraşta”
Badê cû deyîrbaz mehmet Atliyî konserêk da. Mêmanî bi çepik û govend Mehmet Atliyî reyde pîya deyrî vatî.
Enwer Yılmaz /Zazakî News
