Serekê Herêma Kurdistanî Mesud Barzanî û Serekkomar Nêçîrvan Barzanî Heyeta DEM Partî qebûl kerd
Heyeta DEM Partî ya ke seba Îmralîyî şîya Herêma Kurdistanî, vizêr Mesud Barzanî dir pêvînayîşêk kerd.
Goreyê beyanatê baregeha Barzanî, Heyeta Îmralîyî fikrê xo yê derheqê rewşa sîyasî û prosesê aştî yê Tirkîya de û detay û netîceyê têkilîyanê xo yê Abdullah Ocalanî reyde Serekî Barzanî rê pêşkêş kerdî.
Beyanat de ame vatene ke Heyeta Îmralîyî muhtewaya mesajê Abdullah Ocalanî zî resna Barzanî.
Beyanat de ame vatene, "Serek Barzanî amadebîyayîşê xo yo seba ardimî û piştgirîya prosesê aştî yê Tirkîya û serkewtiştişê ey nîşan da."
Hetêko bîn ra, DEM Partî derheqê pêvînayîşê heyeta xo yê Serekî Barzanî reyde beyanat da û va, "Kombîyayîş, çarçewaya pêvînayîşanê DEM Partî yê Abdullah Ocalanî reyde bi û nêzdîyê yew saete û 45 deqeyî ramit."
Nêçîrvan Barzanî dir pêvînayîş
Heyeta DEM Partî ke mîyan de Pervîn Buldan, Sirrî Sakik, hemserekê DBPyî Keskîn Bayindir, Ozgur Erol û Îbrahîm Bilmez endamê Buroyê Huquqî yê Asrinî, Berdan Ozturk û Gulcan Kaçmaz Sayyigit û Mehmet Kamaç estbî zî ewro herêma kurdistanî de çend pêvînayîşî kerdî.
Heyeta DEM Partî ya Îmralî yo ke bi serekîya Pervîn Buldanî Hewlêr de yo, hetê Serekê Herêma Kurdistanî Neçîrvan Barzanî ra ame qebulkerdene.
Kombîyayîşo ke tede yew kilmek vîdyo ame girewtiş, bê çapemenî dewam keno.
