Komeleya Cigêrayîşê Ziwanî û Kulturê Mezopotamya qezaya Amedî Pîran de panelêk organîze kerd
Komeleya Cigêrayîşê Ziwanî û Kulturê Mezopotamya (MED-DER ) Pîran de bi nameye "Mewzûyê Panelî" panelêk organîze kerd.
Panel 16ê Sibate 2025î, roja yewşeme, saete 13:00 de Salona Zewacî ya Şaredarîya Pîranî de ame dayene.
Panel de di nuştoxî ca girewtî:
Nuştox û mamostayê ziwanî Suleyman Yilmazî "Tirkîya û Cîhan de Bi Ziwanê Dayîke Perwerde" ser, nuştox û cigêreayox Hacî Ozkal zî "Halê Zazakîya Verên û yê Ewroyên û Pêşnîyazî" ser o qisey kerd.
Suleyman Yilmazî bale ante serê mînakanê dewletanê bînan û va “Almanya de perwerdeyîya resmî bi almankî dîna. Bi programê ziwanan û dibistanan de hetê almankî de bi îngilizkî, fransizkî, îspanyolkî û tayê ziwananê binan de perwerdeyî ênê dayene. Çîn de, eyaletan de bi ziwanê maye perwerdeyî ênê dayene. Wendekarî, bi ziwanê xo perwerdeyî veynenê la mecburê ke çînkî zî bimisê. Afrîkaya Başûrî de qanûnê bingeyênî de, bi ziwanê dayîke perwerdeyî êna dayene. Îngîlîzkî, Afrîkanskî zî tede bi 11 ziwanî zê ziwanê fermî ameyê qebulkerdiş. Bolîvya de, 37 ziwanê resmî estê û bi nê 37 ziwanan perwedeyî ênê diyayene.”
Yilmazî qiseyê xo nîya qedênayî û vat: “Tirkîye de bi perwerdeyîya yew ziwanî de israr yew gureyê aqilî nîyo. Tirkîye de, eke ziwan û nasnameyê kurdan qebul bibo, kurdkî bibo zîwanêko resmî, meseleya kurdan zî asan çareser bena.”
Panel moderatorîya Remzîye Îzcî de ame dayîş û ci rê eleqeyêko weş estbi.
MED-DERî seba dayîşê panelî de vana ; Ma ewro Pîran de bi sernameyanê ‘’bi ziwanê dayîke de perwerde” û “halê zazakîya verêne û yê ewroyêne û pêşnîyazî” ser o panel viraşt. Semedê ameyîşê pêro şarê Pîran rê ma sipas kenê.”
