Hereketa Ziwanê Kurdî (HEZKURD) ke semedê heqanê ziwanê Kurdî xebatan keno, wazeno wa sîstemê perwerdeyî yê Tirkîya de ziwanê Kurdî (Kurmancî-Zazakî) bibo ziwano resmî yo diyîn.
Koordînatorê Pêroyî yê Hereketa Ziwanê Kurdî Fevzî Bulganî hesabê xo yê Twitterî ser ra beyanat da û waşt wa semedo ke ziwanê Kurdî bibo ziwanê perwerdeyî kampanyayêk dest ci bikero.
Beyanatê Fevzî Bulganî wina yo:
Wa seserra diyîne ya Cûmhurîyetî de ziwanê Kurdî fermîyet de bibo ziwanê fermî û ziwanê Kurdî bibo ziwanê perwerdeyî. Ganî pêro dezgeyê Kurdan semedê nê heqî dewe bi dewe şaristan bi şaristan kampanyaya îmzayan bidê dest pêkerdiş. Eke ziwanê ma çin bo manaya miletbîyayîşê ma zî nêmaneno.
