Qezaya Çewlîgî Kanîreş de leyîrê leglege çale leglege ra kewtî war. Leyîrê ke xeylê wext war de mendê hetê ekîbanê Beledîye ra ameyî arêdayîş û çale leglege de nîyayê ro.
Kanîreş de pêhesîya ke leyîrê leglege halînê xo ra kewtê waro. Welatî xebere wesna Beledîye û ekîbê îtfaîye ameyî. Ekîbê îtfaîye ke resayî leyîran ewilî weşîya înan kontrol kerd ê tedawî kerdî û badê leyîrî pê wesayîtê îtfaîye çala înan de nayê ro.
Şarê dorûverî semedo ke leyîrî sax-silamet çala înan de nîyayê ro pê keyfweş bi.
Leglegî her wisar verê xo danê Çewlîg û serê dîreganê berzan de halînan virazenê û leyîranê xo kenê pîl. Şarê Çewlîgî zirar nêdano înan û semedê pawitişê înan çi destê înan ra yeno keno. Leglegî payîz newe ra koç kenê û wexto ke beno wisar newe ra verê xo danê ko û deştanê Çewlîgî.
Enwer yılmaz /Zazakî News