Jîna Emînî par ney pêrar hetê rejîmê îranî ra bi îşkence ameybî kiştiş
13ê Îlona 2022 de, Jîna Emînî hetê polîsanê exlaqî yê Îranî ra "seba ke kincê aye goreyê qanûnanê Îranî nîyê" ameybî tepiştiş.
Kênaya Kurde Jîna Emînî şaristanê Rojhilatî Seqiz ra bî, 16ê Îlona 2022 de, 3 rojî tepîşîyayîşê xo ra dima, bi îşkence ameybî kiştene.
Cenazeyê Jîna Emînî 17ê Îlona 2022 de bajarê Seqiz ê Rojhelatê Kurdistanî de amebi wedartiş.
Badê ke Jîna Emînî canê xo vîndî kerd, verî bajaranê Rojhelatê Kurdistanî de û dima Îran de bi hezaran kesî vejîyayî meydanan û Îran bi sloganê "Cinî, Cuye, Azadî" ame protestokerdene.
Çiqas ke hukmatê Îranî zordarîya xo zêde kerde, xoverayoxan zî hîna zêde waştişê azadî kerd.
Protestoyê ke Îran û Rojhelatê Kurdistanî de bîyê, badê yew demî bedelîyayî vengdayîşê wedardişê rejîmî.
Serrserra dîyine ya kiştişê Jîna Emînî de, Seqiz û bajaranê dormareyî de, dikandarî dikanê xo padayî.
Quwetê ewleyî seba ke verê protestoyan bigîrê mintiqe de ameyê bicakerdene û rayîrê ke şinê mezelê Jîna Emînî ser zî ameyê padayene.
Cinîyê Kurdî bîyê rayber
Protestoyan de cinîyan bi berkerdişê desmalanê xo rolê raybertîye kay kerd.
Îran û Rojhelatê Kurdistanî de bi hezaran kesî ameyî tepiştiş, bi seyan kesî zî hetê quwetanê ewleyî yê Îranî ra ameyî kiştiş.
Bi seyan xoverdayoxî ke ameyî tepiştiş, badê cezayê dardekerdişî înan ra ame birnayene.
