Mehkema, Dewaya Vartînîsî de qerarê xo eşkera kerd û bi bahaneyê "ser ra wext vîyarto" qerarê betalkerdişê dosya da.
3yê Teşrîna Verêne 1993ine de nehîyeya Vartînîsî ya qezaya Tilî ya Mûşî de eskeran adir eştbi banêkê Kurdan û rîyê şewatî ra eynî keyeyî ra 9 kesî merdbî.
Înan ra 7 tenî gede bî. Qetlîam de Mehmet Nasir Ogut, Eşref Oran Ogut, Sevda Ogut, Sevim Ogut, Mehmet Şakir Ogut, Mehmet Şirin Ogut, Aycan Ogut, Cihan Ogut û Cinal Ogut dinyaya xo bedilnabî..
Derheqê qirkerdişî de dewa amebî akerdiş û dimayê qerarî xirakerdişê Dadgeha Berzî, dewa newa ra amebî destpêkerdiş. Roniştişê qerarî yê Dewaya Vartînîsî ya 1ine Dadgeha Cezaya Giran ya Kirikkaleyî de ame vînayîş.
Heyetê Mehkema va ke, dewa ser ra semedo ke 30 serrî û 2 mengî vîyartî dewa kewta û bi nê bahaneyî ra dosya betal kerd.
Bi no qayde serê yewna qetlîamî ame padîyayîş.
