Semedê aşkerekerdişê namzetanê Beledîyeyan ewro saete 14.00 de bi beşdarîya Serekkomarê Tirkîya Recep Tayîp Erdoğanî merasîmêk ame viraştiş. Erdoğanî qismêk namzetê AK Partî aşkere kerdî.
Namzetê Serekîya Beledîyeya Çolîgî newe ra Erdal Arıkan o. Arıkan 5 serrîyo ke serekê Beledîyeya Çolîgî o.
Merasîmê AK Partî yê ewroyî de 12ê înan namzetê Bajaranê Girdan 26 namzetî ameyî aşkerekerdiş. Namzetê bînî do 15ê Çeleyî de bêrê aşkerekerdiş.
Erdal Arıkan kam o?
Serra 1970î de Çolîg de ameyo dinya. Serra 1998î de Fakulteya Perwerdeyî ya Unîversîteya Dîcle ra mezûn bîyo.
Mabênê serranê 1998-2010î de mamostatîye kerdo. Mabênê serranê 2010-2018î de Çolîg de Mûdirîya Ciwanan û Sporî de wazîfe kerdo.
Weçînayîşê 31ê Adara 2019î de bîyo namzetê AK Partî û bîyo serekê Beledîyeya Çolîgî. Zewicnaye yo û babîyê hîrê tutan o .