Polîsan ewro Dîyarbekir de eşt keyeyê Hemserekê Şaredarîya Peyasî ya Dîyarbekirî û çend cayanê bînan ser.
Goreyê xebera MAyî hêzanê asayîşî ewro Amed, Îstanbul, Mêrdîn û Şirnex zî mîyan de gelek bajaran de opersyon kerd.
Polîsan eşt keyeyanê Hemserekê Şaredarîya Peyasî ya Amedî Cengîz Dundar, Sereka Komeleya Rojnamegerê Cinî ya Mezopotamya (MKG) Roza Metîna û rojnameger Ahmet Sunbul, derhêner Ardîn Dîren, mamosteyê Sendîkaya Kedkaranê Perwerde û Zanistî (Egîtîm Sen) ser.
Keyeyanê înan cigêrayîş hîna zî dewam keno.
Cengîz Dundar, Roza Metîna, Ardîn Dîren û çend kesê bînî zî ameyî girewtiş.
