Bajarê Batmanî de, badê ke qeyum tayîn bi, tabelaya "Kompleksê Sporî yê Cinîyan" ke bi Kurdkî bîy wedarîya.
Kompleksê Sporî yê Cinîyan ke girêdayeyê Şaredarîya Batmanî yo, serra 2015 de wextê Partîya Aştî û Demokrasî (BDP) de tabelaya Kurdkî ameybî aliqnayîş.
Labelê serra 2016 de badê ke qeyum şaredarî rê tayîn bi, qismê Kurdkî wedariya û reyna badê weçînayîşê 31ê Adare 2024î de tabelaya Kurdkî ameye aliqnayîş.
Labelê 4ê Teşrîna Peyêne 2024î de qeyum şaredarîyanê Batman, Mêrdîn û Rihayî rê tayîn bi, reyna nameyê salonî sey "Kompleksê Sporî" bediliya û hem tabelaya Kurdkî wedara hem zî vatişê "Cinîyan" tabelaye de nênusiya.
Tewr peynî 21ê na aşme de qeyum şaredarîyanê Dêrsim û Pulurî rê tayîn bîbî. Bi no qayde 31ê Adare 2024î ra nat qeyum 6 şaredarîyanê Kurdistanê Vakurî rê tayîn bîyo û 5ê înan DEM Partî ra yê.
