ZAZAKÎ NEWS - Serekê Herêma Kurdistanî Nêçîrvan Barzanî û Fermandarê Pêroyî yê Hêzanê Sûrîyeya Demokratîk (HSD) General Mezlûm Ebdî Hewlêr de pêvînayîş kerd.
Serektîya Herêma Kurdistanî eşkera kerd ke kombîyayîş vizêr Hewlêr de ameyo kerdiş û Mezlûm Ebdî û Nêçîrvan Barzanî "yewitî û pêameyîşê Kurdanê Sûrîye" ser o hem fikir ê.
Goreyê beyanatî, her di hetan îzah kerdo ke "mîyanê hêz û hetanê Kurdanê Sûrîye de yewbîyayîş û pêameyîş lazim o".
Serektîye îlan kerd ke "hedîseyê peyênî û rewşa Sûrîye, têkilîya HSD û hetanê sîyasîyan ê Kurdanê Sûrîye ke hukmatê Sûrîye reyde estê" ser o qisey bîyo û înan derheqê "rîskê terorî û têkoşînê vera DAIŞî" de fikirê xo yewbînan reyde pare kerdê.
Mezlûm Ebdî û Nêçîrvan Barzanî îfade kerdê ke muhîm o ke Kurdî û heme hetê Sûrîye beşdarê îqtîdar û îdarekerdişê Sûrîye bibê û heqê heminan bêro garantîkerdiş.