ZAZAKÎ NEWS - Şûbeyê Pawitişê Ziwanî yê Şaredarîya Amedî ya Şaristanê Girdî, dezgehê çapemenîyanê ke bi Kurdkî (Kurmanckî- Zazakî) weşan kenê, înan reyde seba standardîzekerdişê termanê çapemenî ameyî têhet.
22ê Nîsane de Roja Rojnamegeranê Kurdan de badê arayîya mensûbanê çapemenî reyde Merkezê Kongre yê Çand Amedî de kombîyayîşêk virazîya.
Mudirê Şûbeyê Pawitişê Ziwanî Tahir Baykusak û Zana Farqînî kombîyayîş îdare kerd. Kombîyayîş de problemê xeberdarîya kurdkî û çekuyan de , viraştişê ziwanêko yewpar ser o qisey bi.
Koordînatorê Weşanê Pêroyî Zazakî Newsî Enwer Yılmaz zî kombîyayîş de ca girewt û behsê xebatanê xo yê Zazakî Newsî kerd.
Zana Farqînî va ke ê cehd kenê terminolojîyêko yewpar virazê. Farqînî va ke înan nê kombîyayîşî bi zanayîş Roja Rojnamegeranê Kurdan de organîze kerd û do aşmêk de reyêk dewam bikê ke problêmanê ziwanî safî bikerê.
