Pêrodayîşê giranî yê mabênê Hêzanê Sûrîya Demokratîk (HSD) û çekdaranê ke piştgirîya Tirkîya gênê, dewam kenê.
Teşkîlatê Sûrîye yo seba Heqanê Merdiman (SOHR) da zanayene ke HSDyî ewro Îne serê sibayî dormaleyê Bendawa Tişrînî de çar operasyonê leşkerî viraştê û nê operasyonan de grûbanê ke piştgirîya Tirkîya gênê ra 8 kesî ameyê kiştene.
SOHRî da zanayene ke HSDyî nêzdîyê Tilsîratel a ke korê Bendawa Tişrînî de ya de bi dronan êrîşê çekdaranê ke piştgirîya Tirkîya gênê kerdo.
Netîceya êrîşî de di erebeyî ameyê xeripnayene û yew depo ya çekan ameya veşnayene.
SOHRî dîyar kerd ke derheqê netîceya êrîşî de ti malumatêko bîn nêameyo girewtiş.
HSD û grûbê ke girêdayeyê Artêşa Neteweyî ya Sûrîye yê, 12ê Kanûnî ra nat êrîşanê giranan kenê yewbînan.
SOHR dano zanayene ke destpêkê pêrodayîşan ra nat 409 kesî ameyê kiştene.