Dîyarbekir de emser hewa zaf germ o û gedeyê Dîyarbekirî germî ver hewza Anzeleyî de xo kenê honik.
Germê Dîyarbekirî yo zêde qij ra pîl tesîrê xo her kesî ser o keno. Qijê Dîyarbekirî zî rîyê nê germê Afrîqayî ra xo erzenê mîyanê awa Anzeleyî û uca de xo honik kenê.
Plajê Anzeleyî yê Dîyarbekirî
Qijê Dîyarbekirî ke binê tesîrê germî de mendê, Hewza Anzeleyî ke Mîyanê Sûrî de ca gênê de asnaw kenê û honik benê. Keyeyê ke gedeyanê xo anê Anzele, gedeyanê xo erzenê awe û înan temaşe kenê.
Tarîxê Anzeleyê Dîyarbekirî
Cayê Anzeleyî demê Osmanîyan de û demê destpêkê Komare de (1680-1960) cayê çermkaran bi. Awa Anzeleyî çimeyê xo ra vejîyayêne, demêk bînê erdî ra gêrayênê, resayêne Berê Mêrdînî (awa herame) û badê zî resayêne arê û en peynî rişîyayêne Çemê Dîcle.
Enwer Yılmaz