Vizêr ney perê Dîyarbekir de maço ke mabênê Amedspor û Şanlıurfaporî de kay bi, tîmê Amedsporî 2-1 qezenc kerd.
Badê maçî, Stadyumê Dîyarbekirî de hal û hereketê terefdaranê Şanlıurfaporî, sporheskerdoxan û her kesî xemgîn kerd.
Mîyanê taraftaranê Rihaspor de tay kesan, tuwaletê tribûnê ke tede maç temaşe bibi şikit.
Ewro medya sosyale de vîdeoyî ke vila bîyê de aseno ke tay taraftaranê Rihasporî senî zirar dayo tuwaletanê stadyumî. Vîdeoyan de aşkere asîyeno ke, lawabo û eyneyî bi zanayîş ameyê şikitiş.
Cigêrayîşê ke ameyê kerdiş de tesbit biyo ke 7 keyberê tuwaletan, 1 keyberê kewtiş, 11 eyneyî, 30 hebî pîsuwarî ameyê şikitiş û zirar dîyayo dês û beran.
Ewro medya sosyale de vîdeoyê zirardayîşê lawabo û eyneyan ê taraftaranê Rihasporî vila bîyî.
Ameyo zanayîş ke dest bi xebata tesbîtkerdişê nasnameyê kesanê ke vîdeoyan de asenê biyo.
