ZAZAKÎ NEWS - Dîyarbekir de nanê Dîyarbekirî yo 400 gramî yo ke 18 TL bi, bi zemo ke ame ser reyde bîyo 20 TL.
Dîyarbekir de heqê nanî ke aşma Çeleyî ra nat di rey zem bîbî, hema serre nêqedîyaye zemê hîrêyin ame ser. 22ê Çeleyî de nano ke 12 TL bi bibi 15 TL, aşma Gulane de zî bi zemê dîyinî ame ser û bîbi 18 TL.
Seba ke mesrefî berz bîyê, Dîyarbekir de yew serre de nanî rê zemê hîrêyin ame kerdiş. Nanê Dîyarbekirî 400 gramî yo ke 18 TLyî ra ameyêne rotişî bi 20 TL.
Serekê Odaya Esnaf û Zanetkaran ê Dîyarbekirî Alîcan Ebedînogluyî ke Amîda Xeberî rê qisey kerd, qerarê zemî tesdîq kerd. Ebedînogluyî va: "Rotişê bi zem ewro ra dest pêkerd."
Simît bi 12 lîre
Dîyarbekir de bi ercanê zembîyayeyan, erê simît û pogaçe bi 15 lîre, nanê rûnin yo ke şarê Dîyarbekirî tira hes keno zî bîyo 25 lîre.
Hê nanî nika:
- 400 gram nanê Dîyarbekirî û patîle: 20 lîre
- 200 gram nanê somun û tewirê ey: 10 lîre
- 180 gram nanê rûnin û tewirê ey: 25 lîre
- 90 gram simît, çorek, pogaça û sey înan: 12 lîre
- 100 gram nanê tost û hamburgerî: 5 lîre
- 0,70 gram mesrefê pewtişê lahmacunî: 10 lîre
- 1 hebe mesrefê pewtişê nanê keyeyî: 7 lîre
Çime: Amida Haber
