Dîyarbekir de polîsan eştbi kafeya ke heme xizmetê xo bi Kurdkî dayêne ser. Polîsan şefeqê sibayî de eştbi keyeyê wayîrê Kafeya Pîne Ramazan Şîmşekî ser û Şîmşek 2 rojî badê cû bi şertê hepsê keyeyî qedexeyê vejyayîşê welatî amebi veradayîş.
Ramazan Şîmşek heteyêk o keyeyê xo de linga ey de kepemçeyo elektronîk maneno.
Ramazan Şîmşekî ewro keyeyî xo ra medya sosyale ser ra fotografêk pare kerd. Fotografe de linga ey de kelemçeyo elektronîk esto.
Ramazan Şîmşekî parekerdişê xo de va " Lingê ma kelemçe kerdê. Labelê nêeşkenê ziwanê ma zî kelemçe bikerê. Wa no zî bibo bedelê pawitişê ziwanê dayîke.”