ZAZAKÎ NEWS - Tutê ke Kreş û Keyeyê Pawitişî yê Perperîka Tutan yê girêdaye Şaredarîya Peyasî de perwerdeyê zafziwanî vînenê, munasebetê 21ê Adare Roşanê Newroze yew pîrozkerdiş viraşt û Newroze pîroz kerd.
Tutê Perperîka Gedeyan ke binê banê Rayberîya Kultur û Karê Komelkîyan ya Şaredarîya Peyasî de perwerdeyê zafziwan vînenê, seba Roşanê Newroze kincê xo yê galerî dayê xora, deyîrî vatî, govend girewt û bi fealîyetanê cîya-cîyayan reyde keyf û şahîyêk kerd.
Xebatkarê Kreş û Keyeyê Pawitişî yê Perperîka Tutan da zanayîş ke wazenê perwerdeyê zafziwanî reyde kultur û hunerê gedeyê ke Kreş û Keyeyê Pawitişî yê Perperîka Domanan de wanenê, aver berê. Pîrozkerdişê Perperîka Domanan de, mamostayan domanê ke perwerdeya zafziwan vînenê reyde, bi şahîyêka weşe Newroze pîroz kerd.
