ZAZAKÎ NEWS - Kovara edebîyatê kurdkî HERD, hûmara xo ya 6. wisarÊ 2025î de vila kerde. Na kovara ke her hîrê aşman ra reyêk yena çapkerdiş, bi muhtewaya xo ya dewlemende bala wendoxanê ziwanê kurdkî ancena.
Kovara HERD, ke rayberîya Melih Seyyarî de yena amadekerdiş, na humare de bi eser û nuşteyanê cîya-cîyayanê di lehçeyanê kurdkî - kurmanckî û zazakî (kirmanckî) - vejîyaya vernîya wendoxan.
Seke vervatişê xo de edîtorê kovare Mahsûn Reşçelan îfade keno, amancê kovare no yo ke xizmetê edebîyatê kurdkî bikê û ruhê neteweyî û asmenê ma roşin bikerê.
Na humare de, nuşteyê erjayeyî yê sey "Ziwanê Bêdev" hetê H. Kovan Baqî ra Mutlu Can reyde bi sernameyê "Yew îdealîstê ziwan û xebatkarê kulturî yo xoser", kerdo, şîîra "Zêl" ya Eyşana Beravî, nuşteya "Birinê Tegelînî" ya Ugur Sermîyanî, açarnayîşê şîîra "Keştîya Bêveng" a Yahya Kemalî hetê Firat Keklikî ra û analîza eserê "Xeyalet" yê Yilmaz Guneyî hetê Alî Aydın Çîçekî ra ca gênê.
Heto bîn ra kovare de şîîra "Kosmos" a Kenan Ogurî zî bale ancena xo ser. Peynîya kovare de zî malumatê balkêşî "Koma Kovargerê Kurd" ser yenê pêşkêşkerdiş, ke sey platformêka yewbîyayîşê kovaranê kurdkî xebitîyena.
Kovara HERD hem bi muhtewa hem zî bi dîzaynê xo yo profesyonel mojnena ke edebîyata kurdkî roj bi roj aver şino. Na kovare, nimûneyêka serkewta.
Seba wendiş, wendoxî eşkenê tîya ra xo biresnê kovare
Yan zî bi rayîrê e-mail "[email protected]" irtîbat ronê.
