Serekê Pêroyî yê CHPyî Ozgur Ozel, verê gêrayîşê xo yê 5 rojî yê bajaranê Kurdan, do şêro Selahattin Demirtaşî zîyaret biko.
Serekê Pêroyî yê CHPyî Ozgur Ozel do şêro Hemserekê Pêroyî yê verênî yê HDPyî Selahattin Demirtaşî zîyaret biko.
Selahattîn Demîrtaş nêzdîyê 8 serrî yo ke Hepisxaneyê Edîrneyî de yo.
Serekê Pêroyî yê CHPyî Ozgur Ozel do tay bajaranê Bakurê Kurdistanî zîyaret biko.
Ozgur Ozel kombîyayîşê partîya xo de va ke, o do heyetêk reyde şêro tay bajaranê Vakurê Kurdistanî.
Goreyê bernameyi, Ozgur Ozel do bajaranê Amed, Elih, Mêrdîn, Şirnex, Colemêrg û Wanî zîyaret biko.
Zîyaretê Ozgur Ozelî do Amedî ra dest pêbiko û Wan de biqedîyo.
Goreyê malumatanê ke muxabîrê Medyascopeyî Ferît Aslanî dayê, zîyaretê Demîrtaşî do verê zîyaretê 5 rojî yê wîlayetanê Kurdistanî bibo.
CHPyî seba nê zîyaretî Wezaretê Edaletî reyde qisey kerd.
Hemserekê Pêroyî yê DEM Partî zî do şêrê Demîrtaşî het.
Tuncer Bakirhan û Tulay Hatimogullari do 17ê Teşrîne de, roja pancşeme şêrê Demîrtaşî het.
Hevserekê Umûmî yê DEMî do 16ê Teşrîne de şêrê Fîgen Yuksekdagî hetek ke Hepisxaneyê Kandira de ya.