Şaredarê Bajarê Girdî yê Stenbolî Ekrem Îmamoglu hepîsxane de avukat Huseyîn Ersoz reyde pêvînayîş kerd û vato ke: "Wa her kes bizano ke ma baş ê û emanetê şarê xo yê."
Avukat Huseyîn Ersoz Şaredarê Bajarê Girdî yê Stenbolî Ekrem Îmamoglu, Şaredarê Şîşliyî Resûl Emrah Şahan, Sekreterê Pêroyî yê ÎBBê Mahîr Polat û Şaredarê Esenyurtî Ahmet Ozer reyde hepîsxane de pêvînayîş kerd.
Ersozî, pêvînayîşî ra dima hesabê xo yê medyaya dîjîtale ser ra no mesaj pare kerd: " Mi Şaredarê ma yê ÎBByî Ekrem Îmamoglu, Sekreterê pêroyî yê ÎBBê Mahîr Polat û Şaredarê Esenyurtî Ahmet Ozer reyde pêvînayîş kerd. Pêro zî weş bîy. Serek Ekrem û Serek Emrah no mesaj erşawito; 'Wa her kes bizano ke ma baş ê û emanetê şarê xo yê.'"
