Ewro Roşanê Ekîtoyî yanî serserra newe ya Babilî ya. DEM Partî Roşanê Ekîtoyî yê şaranê Kildan, Asur û Suryanî ke manaya mijdanîya ameyîşê wisarî dana, pîroz kerde.
Hetkara Hemserekê Pêroyî yê Partîya Sseypêyî û Demokrasî ya Şaran (DEM Partî) ya ke Komîsyona Şar û Bawerîyan ra eeqesar a, Yuksel Mutlu, seba Roşanê Ekîtoyî beyanatêko nuştekî weşana.
Roşanê Ekîtoyî manayamijdanîya ameyîşê wisarî dana û hetê şaranê Asur û Suryanî ra yena pîrozkerdiş.
Eşkerayîye de ame vîrardene ke Roşanê Ekîtoyî 6 hezar û 775. rey yena pîrozkerdiş û wina ame vatene:
"Roşanê Ekîtoyî yê şaranê ma yê Asur û Suryanî pîroz bo ke tarîx de rastê zaf komkuştişan ameyê la reyna zî bawerî, nasname û kulturê xo rê wayîr vejîyayê. Roşanê Ekîtoyî ke emser bi Roşanê Remezanî reyde hemwext ameya, wa hemê şar û bawerîyan rê pîroz bo û wa bibo wesîleya aştî û way-birayîye. Seba şer û pêkewtişanê Rojhelatê Mîyanênî, nufûsa şaranê Asur û Suryanî ya welatanê Tirkîya, Iraq, Sûrîye û Lubnanî de kêm bîya la reyna zî hem welatê xo de hem zî teberê welatî de Roşanê Ekîtoyî pîroz kenê.
Têkoşîna ma ya seba pawitişê hemê ziwan, kultur û bawerîyan do dewam bikero. Ma reyna Roşanê Ekîtoyî pîroz kenê û hêvî kenê ke seba hemê merdimîye bibo wesîleya aştî û azadîye."
Şarê Asûr, Kildan û Suryanî her serre 1ê Nîsanî de, Roşanê Ekîtoyî sey destpêkerdişê serserra newe pîroz kenê
