Wezîrê Edelî yê Tirkîya Yilmaz Tunç îzah kerd ke verdayîşê Selahattîn Demîrtaşî rojeva înan de çin o.
Yilmaz Tunçî îdîayê verdayîşê serekê veren ê HDPyî Selahattîn Demîrtaşî ser qisey kerd û va; Çîyêko wina rojeva ma de çin o.
Vizêr amebi îdîakerdiş ke Serekê veren ê HDPyî Selahattîn Demîrtaş do verê Roşanê Remezanî bêro verdayîş.
Vengdayîşê ronayîşê çekan û fesixkerdişî yê rayberê PKKyî Abdullah Ocalanî ra dima pawîyeno ke hepsîyê sîyasî bêrê veradayîş.
Birayê Selahattin Demîrtaşî vizêr hesabê xo yê medya sosyale ser yew mesaj vila kerdbi û vatbi:
"Belkî meşte! Belkî meşte ra dima! Bi Îznê Homayî. Helbet rojêk na bêheqî do biqedîyo. Ma bawerîya xo vîndî nêkenê la na cumle nêna manaya veradîyayîşê Selehedînî.."
Nê mesajî bîyê sebebê reaksîyon û no çî Wezîrê Edeletî yê Tirkîya Yilmaz ra ame perskerdiş. Wezîrî eşkera kerd ke çîyêko wînasî çin o
Dadgeha Heqê Merdiman a Ewropa serra 2018î de qerar dabi ke ganî Demîrtaş bêro verdayîş la Serekkomarê Tirkîya Recep Tayyîp Erdogan zî derheqê nê qerarî de vatbi: "Ma nê qerarî qebûl nêkenê.”
