Amedspor û Şanlîurfaspor Liga 1. de hefteya 15. de Stadê Amedî de kay kerd. Amedspor 2-1 vera Şanlîurfaspor ser kewt û 3 puanî girewtî.
Tirkîya de Lîga Yewine ya Trendyolî de musebaqayî dewam kene. Liga 1. de hefteyê 15. de Amedspor û Şanlîurfaspor Stadê Tahîr Elçî yê Amedî de ameyî têver. Kaykerdoxê Amedsporî, verê ke kay dest pê bikero, 10-17ê Kanûne Hewteyê Heqanê Merdiman de pankarta "Merdin bi heqanê xo merdim o, Hewteyê Heqanê Merdiman pîroz bo" kewtî mîyanê seha.
Kaykerdoxê Amedsporî Murat Uçar deqîqa 12. de gole eşt Şanlîurfasporî. Kay 1-0 reyde dewam kerd. Deqîqa 44. de penaltî virazîya û Şanlîurfasporî zî yew gol eşt û dewreyo verên 1-1 reyde qedîya.
Dewreyo diyinî yê kayî de kaykerdoxê Şanlîurfasporî faul kerd kaykerdoxê Amedsporî û hakimê kayî faul da Amedsporî. Deqîqa 69. de kaykerdoxê Amedsporî faul da piro û kaykerdoxê Şanlîurfasporî bi şaşî top eşt qaleya xo. Peynîya kayî de Amedspor vera Şanlîurfaspor 2-1 serkewt û 3 puanî girewtî.
No serkewtiş hetê temaşekaranê Amedsporî yê ke stadî de bîy ra bi keyf ameye vînayene û kaykerdoxan slogan berz kerdî.
