Rayberanê Kurdan ra Şêx Seîd bi fermanê Mehkemeya Îstîklalî pa 46 hevalanê xo 29ê Hezarîna 1925î de Dîyarbekir de amebi îdamkerdiş.
Semedê yadkerdişê Şêx Seîdî û 46 hevalanê ey siba Dîyarbekir de çend programê vîrardişî estê.
Partîya Welatparêzanê Kurdistanî (PWK) semedê serrgêra îdamkerdişê Şêx Seîd û embazanê ey a 99ine semînerêk dana.
Moderatorê semînerî Hanîfî Tûran (Vervatoxê PWKyî) o û qiseykerdoxî zî Kerem Serhedî (Cigêrayox) Mehmet Can Azbay ( Hetkarê Serekê Pêroyî yê PWKyî) ê.
Semîner siba Saete 11.00 cayê teşkîlatê PWKyî de yeno dayîş
Komela Sêx Seîdî zî yadkerdişêk kena
Heto bîn ra Komela Şêx Seîdî zî siba Dîyarbekir de semedê Sêx Seîdî û hevalanê ey programêkê yadkerdişî virazena. Endamê komele do 10.30 de cayê komele de Şêx Seîdî û 46 embazanê ey yad bikê.
Şêx Seîd serra 1865î de Pali de ameyo dinya û serekê hereketê 1924êi bi. 29ê Hezîrana 1925î de pa 46 hevalanê xo Meydanê Berê Koyî de ame îdankerdiş. Hîna zî cayê mezelê ey û yê 46 rayberanê bînan bewlî nîyo.
Na fotografe zî rojêk verê îdamkerdişê ey ameya antiş.