Dîyarbekir de MED-DER û Kitabxaneyê Payîzî ra 22 kesî hetê polîsan ra ameyê girewtiş
Partî û saziyê sîvîlî verê MED-DERî de tepiştişyayîşê kesan û tedayê ser ziwanî protesto kerdî
Ewro serê sibayî Dîyarbeker de polîsan eşt awanîya MED-DERî û Kitabxaneyê Payîzî ser. Polîsan her di saziyan de zî heme dokumanî vila kerdî û dest nayê bi seyan malzemeyê musnayîşê ziwanî, kitabî, kovarî û harddiskê komputeran ser.
Hemserekê MED-DER û wayîrê Kitabxaneyê Payîzî zî tede zaf kesî zî ameyî girewtiş.
Heta nika goreyê zanayîşê ke ameyî destvistiş 22 kesî ameyê tepiştiş. Vajiyeno ke beno ke hûmara tepişteyam hîna zêde bibo.
Rêxistinê cematkî yê sivilî û partiyê sîyasî yê Dîyarbekirî, semedê protestokerdişê muameleyo ke MED-DER û Kitabxaneyê Payîzî rê bîyo, ewro verê awanîya MED-DERî de ameyî têhet û beyanatêk day û tepişyayîşê kesan protesto kerdî.
Sazîyan beyanatê xo de qerardarîya xo seba micadeleyê ziwani ard ziwan û bale ant ke dewlete bi nê zordarîyan nêşkena ziwanê kurdkî inkar bikero.
Beyanat hetê xebatkarê MED-DERî Mehmet Asena ra ame wendiş. Asena va ke, no hêriş ziwan, kultur, nasname u erjanê şarê Kurdî rê bîyo. No hêriş vera waştişê perwerdeyê bi ziwanê dayike bîyo.
Kesê ke ewro ameyî girewtiş;
Hemserekê MED-DERî Mehmet Remzî Azîzoglû û Şukran Yakut. Rayberê MED-DERî Rifat Ronî, Dîlan Guvenç, Nazan Çelîk, Cîhat Guneylî, Îlyas Gun, Bêrîtan Gurbet Orak, Mîne Karakaş, Ramazan Holat, Hebûn Yagmûr, Ayhan Karatekîn, Bêrîvan Duman, Mehmet Salîh Ongun, Rabia Karayil, Rêzan Aktulum (Hrant), Belkisa Suleymanoglû Bitkîn, Fatma Îgîn, Ahmet Boltan, Mustafa Açmaz, Hasan Gorpinar, Îpek Oyûr.
