Wezaretê Edeletî yê Tirkîya budceya serra 2025î de seba viraştişê 11 hepisxaneyanê neweyan 1,2 milyar lîreyî abirna.
Goreyê xebera Birgunî, budceya pêroyî ra 500 mîlyon lîreyî do seba hepisxaneya ke Sêrt de virazîyena bêrê xerckerdiş.
Yeno texmînkerdene ke seba qedînayîşê projeyan heta peynîya serra 2027î pêro pîya 23 milyar û 585 mîlyon lîreyî bêrê xerckerdiş.
Çarçewaya projeyê Wezaretê Edeletî yê Tirkîya yê serra 2025î de teber ra ke 11 hepisxaneyê neweyî virazîyê, kapasîteya hepisxaneyanê ke estê zî do zêde bibo.
Nufusê hepisxaneyan 384 hezar û 216 o
2ê Çeleyê 2025î ra nat hûmara kesanê ke hepisxaneyan de manenê resaya 384 hezar û 216 kesan.
Na hûmare ra 328 hezar û 708 kesî mehkum û 49 hezar û 596 kesî zî girewteyî yê.
Kesanê ke hepisxaneyan de manenê ra 363 hezar û 708 kesî camêrd, 16 hezar û 770 kesî cinî û 3 hezar û 778 kesî zî domanî yê.
405 hepisxaneyî estê
Goreyê hûmara Mudirîyeta Pêroyî ya Ceza û Hepisxaneyan a Wezaretê Edeletî, seranserê Tirkîya de pêro pîya 405 hepisxaneyî estê.
Ame zanayene ke kapasîteya hepisxaneyanê ke estê 301 hezar û 397 kesî ya.
